مافيش في علبة الألوان

ولا لون واضح

لا الأسود دايما حزين

ولا الأبيض بقي يعرف يسامح

بتتقابل الألوان مع بعضها

لكنها بتفترق

أول ما بتنهي المصالح

وبنفس الملامح

تفضل الألوان موجودة

بتعيد نفس الحكاية

علي نفس المساحة المحدودة

لا دة لون الأمان

ولا دة لمسة حنان

ولا دة الدفا

اللي قادر يزيح البرودة

يااااه

مافيش لون فضل

زي ما عرفناه

من يوم ما البحر اختفي

واللون الأزرق تاااه

لا الأصفر هو الخريف

ولا الأخضر يعني الحياة

ورغم أن كل الألوان مؤمنة

لكنها مصممة ترسم الحاكم

علي إنه إله

استغفر الله

استغفر الله

استغفر الله ...

أطفال غزة ترسم لغزة